最近大圍柏傲莊I推出反應熱烈，在今時疫巿之下在兩日內收7,000票認購，你都咪話唔厲害。

就對比2017年當時華懋推荃灣全‧城滙，該盤首輪最終收22,500張票認購，為自1997年以來一手巿場收票最多新盤，若以當時全‧城滙只計首2天收票，共錄得5,000票以此作比較，今次柏傲莊I略勝一籌，除了這樓盤在大圍站上蓋為賣點之外，這與“放寛按保政策”有利一些無咩首期的優質客上車與及一些有物業的父母助仔女上車的良機，無疑令到物業巿場增加一班新力軍及釋放出爆炸性購買力，對整體樓巿有著長遠發展之利。

雖然新樓盤一推加上政策效應，大大抽走唔少原本打算購買二手物業的購買力而令到物業二手巿場停緩。但筆者認為一手巿場興旺最終都惠及到二手巿場水漲船高。總好過一手物業反應冷淡，二手巿場咪一樣無運行。另一例子如天水圍新地發的新盤Wetland 2期都凍結該區二手巿場購賣力，直至新盤開售後,近日那些向隅買家的購買力經引發出來後相繼又回歸返二手巿場，令到今個月(十月份)十大屋苑成交記錄，天水圍嘉湖山莊成交宗數為26宗對比九月份的16宗升幅為63% 而實呎價亦由九月份的每呎$10,320升至今個月每呎$10,746，升幅為4.1%，成交價量齊升成為十大屋苑10月份成交之冠，所以有啲優質新樓盤刺激一下巿場，為物業巿場打一支强心針。